الراجل أبو جلابية اللى فى ماتش الزمالك .. !!

[الطائر المهاجر]

إخوانى الأعزاء

طبعا كلكم شفتم ماتش الزمالك و اللى حصل فيه

لكن طبعا و كعادتنا كمصريين
سبنا اللى حصل فى الماتش
و التمانين ألف اللى كانوا فى الاستاد
و الكر و الفر و الالاف اللى نزل الملعب

و ركزنا بس مع الراجل أبو جلابية اللى كان فى الملعب
و طبعا كلكم شفتوه

و الراجل ده بقى أشهر من الراجل اللى واقف ورا عمر سليمان

الطريف إن بعد الماتش بلحظات
المصريين طبعا ما يفتهومش مناسبة زى دى
على التويتر و الفيس بوك و هات يا تعليقات
أنا بقى لميت معظمها
و قلت تشاركونى فيها
على فكرة

صفحة الراجل أبو جلابية على الفيس بوك ضمت أكتر من 30 ألف عضو فى أربع ساعات


مصادر باستاد القاهرة تؤكد : الراجل أبو جلابيه طلع الراجل بتاع الشاي اللي في الاستاد ونزل يجري ورا الجمهور عشان يلم منهم الحساب

المدير التنفيذى لبيبسى الشرق الأوسط يؤكد : الحملة الاعلانية القادمة لبيبسى شعارها : اللى لابسين الجلابية بيشجعوا .. و احنا معاهم

الشعب يريد التأكد من انه يرتدى شورت ابيض تحت الجلابية

نبأ عاجل .. تنظيم القاعدة يؤكد أنه ليس له أى صلة بالراجل اللى لابس الجلابية

متقولش اهلاويه ولا زملكاويه ولا اهلاويه ولا شرقاويه ولا غرباويه مفيش اسرع من الراجل ابو جلابيه

يجب التحقيق مع من دبر وخطط ونفذ موقعة الجلابية باستاد القاهرة

الحمله القوميه لترشيح الراجل ابو جلابيه لرئاسه الجمهورية

القذافى يعلن استعداده لاستضافة الراجل اللى لابس الجلابية

الراجل أبو جلابية يعترف : تلقينا تدريبات في طنطا و المنصورة علي اقتحام الملاعب

قرر المجلس العسكري منع الراجل ابو جلابية اللي نزل الملعب من السفر خارج البلاد والتحفظ على جلابيته وترحيله الى قريته سلت ملت

الخارجية الأمريكية تنصح الراجل ابو جلابية اللي نزل ماتش الزمالك بضبط النفس

الرسالة رقم 32 من المجلس الأعلي للقوات المسلحة ...
حرصا منا ع الترابط الأجتماعي والدفء الأسري والنشاط الرياضي لنسيج
الشعب المصري
لقد قررنا. تعيين الراجل ابو جلابية اللي نزل ماتش الزمالك رئيس نادي
الزمالك

عاجل: الراجل اللي لابس جلابيه: الواد سعدان ولد عمي اللي بيتشغل

مصوراتي في الجزيره .. جاللي إنزل الملعب وأنا هاصورك مع شيكابالا

مجلس الأمن يعقد اجتماعا عاجلا لبحث هوية الراجل ابو جلابية اللي نزل فى ماتش الزمالك

الراجل ابو جلابيه يصرح: انا جاي بالجلابيه .. عشان المئوية

امن الدوله تؤكد
ان حماده هلال هايغني <الراجل ابو جلابيه كان لابس جلابيه>

عاااااااااااجل
التليفزيون المصري يؤكد عدم نزول جماهير الزمالك ارض الملعب
لاكن الملعب هو اللي طلع علي المدرجات

الراجل ده هو هو الراجل ال ورا عمر سليمان بس متخفى ف جلابيه

أنباء تؤكد أن محمد عبد الشافى ابن خال الراجل اللى لابس الجلابية

محمد عبد الشافى ينفى وجود أى صلة قرابة بينه و بين الراجل اللى لابس الجلابية

الراجل أبو جلابية فى بيان رسمى يؤكد : أنه كان يحاول البحث عن جاموسته بعد ان صممت على الأكل من نجيلة الاستاد

قناة العربية : الراجل اللى لابس الجلابية .. ألتراس أهلاوى متخفى

الراجل ابو جلابية وصندل يطالب بتغيير الكستور

جمال مبارك كان عايز يحضر الماتش بس خايف.. أعمل ايه أعمل ايه.. ألبس جلابية

المجلس الاعلي للقوات المسلحه يلقي القبض علي الراجل ابو جلابيه وعند سؤاله عن محرضيه رد عليهم ... من أنتم..من أنتم ... وطلع يجري تاني في الاستاد

شوبير : حصريا أبو جلابيه مراته طالبه الخلع بعد فوز الاهلي

مصدر أمنى يؤكد: أنه جارى البحث عن شبشب الراجل أبو جلابية

الراجل ابو جلبايه سنبدأ الزحف كرسى كرسى مدرج مدرج ملعب ملعب جلبايه جلبايه

حزب الجلاليب المصري يعلن فصل الراجل ابو جلابية وصندل من قيادة الحزب لعدم التزامه بلبس العمة

بيان رقم واحد من جماهير الزمالك : اخونا الصعيدى ابو جلبية لا يشجع اى من الفريقين وعن سبب نزولة ارضية الملعب : فهو نزل لحماية كابتنا الكبير ابو تريكة

إعلان هااااااااااااااااااااااااااام
وحصريا المزاد العالمي للجلبيه والسياح يتهافتون لحجز مقاعدهم

سى إن إن : أوباما يرسل دعوه للراجل أبو جلابيه لزياره البيت الابيض

الراجل ابو جلابية اللى فى ماتش الزمالك يعترف انه كان لابس جلابية وكان فى ماتش الزمالك فعلا